برسات کا مزا ترے گیسو دکھا گئے
عکس آسمان پر جو پڑا ابر چھا گئے

لالہ مادھو رام جوہر

---

---

بتاؤ کون سی صورت ہے ان سے ملنے کی
نہ اس طرف انہیں فرصت نہ ہم ادھر خالی

لالہ مادھو رام جوہر

---

---

بزم میں غیر سے کرتے ہو اشارہ چھپ کر
آنکھیں نیچی کرو ایسا نہیں اندھا کوئی

لالہ مادھو رام جوہر

---

---

بھانپ ہی لیں گے اشارہ سر محفل جو کیا
تاڑنے والے قیامت کی نظر رکھتے ہیں

لالہ مادھو رام جوہر

---

---

بت کہتے ہیں کیا حال ہے کچھ منہ سے تو بولو
ہم کہتے ہیں سنتا نہیں اللہ ہماری

لالہ مادھو رام جوہر

---

---

چھوڑ کر ہم کو ملا شمع رخوں سے جا کر
اسی قابل ہے تو اے دل کہ جلائیں تجھ کو

لالہ مادھو رام جوہر

---

---

چھوڑنا ہے تو نہ الزام لگا کر چھوڑو
کہیں مل جاؤ تو پھر لطف ملاقات رہے

لالہ مادھو رام جوہر

---

---