ارمان وصل کا مری نظروں سے تاڑ کے
پہلے ہی سے وہ بیٹھ گئے منہ بگاڑ کے

لالہ مادھو رام جوہر

---

---

اشک قابو میں نہیں راز چھپاؤں کیوں کر
دشمنی مجھ سے مرے دیدۂ تر رکھتے ہیں

لالہ مادھو رام جوہر

---

---

اور معشوق سے ملنے کی تمنا کیوں ہو
آپ کیا کم ہیں مری جان کے دشمن مجھ کو

لالہ مادھو رام جوہر

---

---

بعد شب وصال نہ دیکھوں میں داغ ہجر
یارب چراغ عمر بجھا دے ہوائے صبح

لالہ مادھو رام جوہر

---

---

بال اپنے اس پری رو نے سنوارے رات بھر
سانپ لوٹے سیکڑوں دل پر ہمارے رات بھر

لالہ مادھو رام جوہر

---

---

باز آئے ہم یہ اپنا آپ چھلا لیجیے
ہر کسی کے ہاتھ میں ہے اب نشانی آپ کی

لالہ مادھو رام جوہر

---

---

بہار حسن یہ دو دن کی چاندنی ہے حضور
جو بات اب کی برس ہے وہ پار سال نہیں

لالہ مادھو رام جوہر

---

---