جو توڑ دو گے مجھے تم بھی ٹوٹ جاؤ گے
کہ ارتباط سلاسل کی اک کڑی ہوں میں

کوثر سیوانی

---

---

کیا دل کی پیاس تھی کہ بجھائی نہ جا سکی
بادل نچوڑ کے نہ سمندر تراش کے

کوثر سیوانی

---

---

میں تو قابل نہ تھا ان کے دیدار کے
ان کی چوکھٹ پہ میری خطا لے گئی

کوثر سیوانی

---

---

سمندر کی طرح وسعت ہو جس میں
وہ قطرہ بحر ہے قطرہ نہیں ہے

کوثر سیوانی

---

---

زندگی کچھ تو بھرم رکھ لے وفاداری کا
تجھ کو مر مر کے شب و روز سنوارا ہے بہت

کوثر سیوانی

---

---

اب نہ وہ احباب زندہ ہیں نہ رسم الخط وہاں
روٹھ کر اردو تو دہلی سے دکن میں آ گئی

کاوش بدری

---

---

از سر نو فکر کا آغاز کرنا چاہیئے
بے پر و بال سہی پرواز کرنا چاہیئے

کاوش بدری

---

---