سدا نہ اجلا دن ہی رہے اور سدا نہ کالی رین
رنگ بدلتا جائے سمے اور ٹک ٹک دیکھیں نین

جمال پانی پتی

---

---

سمے کے سارے کھیل ہیں پیارے کہہ گئے جگت کبیرؔ
آپ ہنسائے آپ رلائے آپ بندھائے دھیر

جمال پانی پتی

---

---

سمے کی رچنا سمے کا پھیر اور سمے کے سب بہروپ
کیا اندھیارے کیا اجیالے کیا چھاؤں کیا دھوپ

جمال پانی پتی

---

---

کنج قفس ہی جس کا مقدر ہوا جمیلؔ
اس کی نظر میں دور خزاں کیا بہار کیا

جمیل عظیم آبادی

---

---

باغ میں جا کر دیکھ لیا
کوئی نہیں تھا تجھ سا پھول

جمیل ملک

---

---

دل کی قیمت تو محبت کے سوا کچھ بھی نہ تھی
جو ملے صورت زیبا کے خریدار ملے

جمیل ملک

---

---

ایک ذرا سی بھول پہ ہم کو اتنا تو بد نام نہ کر
ہم نے اپنے گھاؤ چھپا کر تیرے کاج سنوارے ہیں

جمیل ملک

---

---