نظر آتی نہیں سڑکوں پہ لاشیں
امیر شہر اندھا ہو گیا ہے

اشتیاق طالب

---

---

آغاز عشق عمر کا انجام ہو گیا
ناکامیوں کے غم میں مرا کام ہو گیا

اسماعیلؔ میرٹھی

---

---

اغیار کیوں دخیل ہیں بزم سرور میں
مانا کہ یار کم ہیں پر اتنے تو کم نہیں

اسماعیلؔ میرٹھی

---

---

اندیشہ ہے کہ دے نہ ادھر کی ادھر لگا
مجھ کو تو ناپسند وطیرے صبا کے ہیں

اسماعیلؔ میرٹھی

---

---

اپنی ہی جلوہ گری ہے یہ کوئی اور نہیں
غور سے دیکھ اگر آنکھ میں بینائی ہے

اسماعیلؔ میرٹھی

---

---

بد کی صحبت میں مت بیٹھو اس کا ہے انجام برا
بد نہ بنے تو بد کہلائے بد اچھا بد نام برا

اسماعیلؔ میرٹھی

---

---

چھری کا تیر کا تلوار کا تو گھاؤ بھرا
لگا جو زخم زباں کا رہا ہمیشہ ہرا

اسماعیلؔ میرٹھی

---

---