مزا آب بقا کا جان جاناں
ترا بوسہ لیا ہووے سو جانے

عشق اورنگ آبادی

---

---

مقابل ہو ہمارے کسب تقلیدی سے کیا طاقت
ابھی ہم محو کر دیتے ہیں آئینہ کو اک ہو میں

عشق اورنگ آبادی

---

---

نہیں معلوم دل میں بیٹھ کے کون
چشم کی دوربیں سے دیکھے ہے

عشق اورنگ آبادی

---

---

شیوۂ افسردگی کو کم نہ بوجھ
خاک کا کہتے ہیں عالم پاک ہے

عشق اورنگ آبادی

---

---

تو نے کیا دیکھا نہیں گل کا پریشاں احوال
غنچہ کیوں اینٹھا ہوا رہتا ہے زردار کی طرح

عشق اورنگ آبادی

---

---

اس کی آنکھوں کے اگر وصف رقم کیجئے گا
شاخ نرگس کو قلم کر کے قلم کیجئے گا

عشق اورنگ آبادی

---

---

یہ بت حرص و ہوا کے دل کے جب کعبہ میں توڑوں گا
تمہاری سبحہ میں کب شیخ جی زنار چھوڑوں گا

عشق اورنگ آبادی

---

---