عزیز گر تھا تعلق تو کس لیے توڑا
جب اختلاف کیا تو مفاہمت کیسی

امداد آکاش

---

---

اس پر ہی بھیجتا ہے وہ آفت بھی موت بھی
شاید اسے غریب کا بچہ ہے ناپسند

امداد آکاش

---

---

آنکھیں نہ جینے دیں گی تری بے وفا مجھے
کیوں کھڑکیوں سے جھانک رہی ہے قضا مجھے

امداد علی بحر

---

---

افسوس عمر کٹ گئی رنج و ملال میں
دیکھا نہ خواب میں بھی جو کچھ تھا خیال میں

امداد علی بحر

---

---

کیا کیا نہ مجھ سے سنگ دلی دلبروں نے کی
پتھر پڑیں سمجھ پہ نہ سمجھا کسی طرح

امداد علی بحر

---

---

میرا دل کس نے لیا نام بتاؤں کس کا
میں ہوں یا آپ ہیں گھر میں کوئی آیا نہ گیا

امداد علی بحر

---

---

مدت سے التفات مرے حال پر نہیں
کچھ تو کجی ہے دل میں کہ سیدھی نظر نہیں

امداد علی بحر

---

---