گل بانگ تھی گلوں کی ہمارا ترانہ تھا
اپنا بھی اس چمن میں کبھی آشیانہ تھا

حاتم علی مہر

---

---

گلزار میں پھر کوئی گل تازہ کھلا کیا
گھبرائی سی پھرتی ہے تو اے باد صبا کیا

حاتم علی مہر

---

---

ہم بھی باتیں بنایا کرتے ہیں
شعر کہنا مگر نہیں آتا

حاتم علی مہر

---

---

ہم مہرؔ محبت سے بہت تنگ ہیں اب تو
روکیں گے طبیعت کو جو رک جائے تو اچھا

حاتم علی مہر

---

---

جنت کی نعمتوں کا مزا واعظوں کو ہو
ہم تو ہیں محو لذت بوس و کنار میں

حاتم علی مہر

---

---

جواں رکھتی ہے مے دیکھے عجب تاثیر پانی میں
پلاتا ہے مرا ساقی مجھے اکسیر پانی میں

حاتم علی مہر

---

---

کافر عشق ہوں مشتاق شہادت بھی ہوں
کاش مل جائے تری تیغ کا زنار کہیں

حاتم علی مہر

---

---