پھر اور تغافل کا سبب کیا ہے خدایا
میں یاد نہ آؤں انہیں ممکن ہی نہیں ہے

حسرتؔ موہانی

---

---

پرسش حال پہ ہے خاطر جاناں مائل
جرأت کوشش اظہار کہاں سے لاؤں

حسرتؔ موہانی

---

---

راہ میں ملیے کبھی مجھ سے تو از راہ ستم
ہونٹ اپنا کاٹ کر فوراً جدا ہو جائیے

حسرتؔ موہانی

---

---

رعنائی خیال کو ٹھہرا دیا گناہ
واعظ بھی کس قدر ہے مذاق سخن سے دور

حسرتؔ موہانی

---

---

رات دن نامہ و پیغام کہاں تک دو گے
صاف کہہ دیجئے ملنا ہمیں منظور نہیں

حسرتؔ موہانی

---

---

روشن جمال یار سے ہے انجمن تمام
دہکا ہوا ہے آتش گل سے چمن تمام

حسرتؔ موہانی

---

---

سبھی کچھ ہو چکا ان کا ہمارا کیا رہا حسرتؔ
نہ دیں اپنا نہ دل اپنا نہ جاں اپنی نہ تن اپنا

حسرتؔ موہانی

---

---