ahna tha us ke sath bahut der tak magar
in roz o shab mein mujh ko ye fursat nahin mili

Muneer Niyazi

---

---

oya tha kaun kaun mujhe kuchh KHabar nahin
main us ghaDi watan se kai mil dur tha

Muneer Niyazi

---

---

wo jo mere pas se ho kar kisi ke ghar gaya
reshmi malbus ki KHushbu se jadu kar gaya

Muneer Niyazi

---

---

ye kaisa nashsha hai main kis ajab KHumar mein hun
tu aa ke ja bhi chuka hai main intizar mein hun

Muneer Niyazi

---

---

ye ajnabi si manzilen aur raftagan ki yaad
tanhaiyon ka zahr hai aur hum hain dosto

Muneer Niyazi

---

---

wo khaDa hai ek bab-e-ilm ki dahliz par
main ye kahta hun use is KHauf mein daKHil na ho

Muneer Niyazi

---

---

waqt kis tezi se guzra roz-marra mein 'munir'
aaj kal hota gaya aur din hawa hote gae

Muneer Niyazi

---

---

wahm ye tujh ko ajab hai ai jamal-e-kam-numa
jaise sab kuchh ho magar tu did ke qabil na ho

Muneer Niyazi

---

---

ye mere gird tamasha hai aankh khulne tak
main KHwab mein to hun lekin KHayal bhi hai mujhe

Muneer Niyazi

---

---