shahr mein wo mo'tabar meri gawahi se hua
phir mujhe is shahr mein na-mo'tabar us ne kiya

Muneer Niyazi

---

---

subh-e-kazib ki hawa mein dard tha kitna 'munir'
rail ki siTi baji to dil lahu se bhar gaya

Muneer Niyazi

---

---

sun bastiyon ka haal jo had se guzar gain
un ummaton ka zikr jo raston mein mar gain

Muneer Niyazi

---

---

tanha ujaD burjon mein phirta hai tu 'munir'
wo zar-fishaniyan tere ruKH ki kidhar gain

Muneer Niyazi

---

---

tez thi itni ki sara shahr suna kar gai
der tak baiTha raha main us hawa ke samne

Muneer Niyazi

---

---

tha 'munir' aaghaz hi se rasta apna ghalat
is ka andaza safar ki raigani se hua

Muneer Niyazi

---

---

thake logon ko majburi mein chalte dekh leta hun
main bas ki khiDkiyon se ye tamashe dekh leta hun

Muneer Niyazi

---

---

tum mere liye itne pareshan se kyun ho
main Dub bhi jata to kahin aur ubharta

Muneer Niyazi

---

---

tu bhi jaise badal sa jata hai
aks-e-diwar ke badalte hi

Muneer Niyazi

---

---