log be-mehr na hote honge
wahm sa dil ko hua tha shayad

Ada Jafri

---

---

na ibtida ki KHabar hai na intiha malum
raha ye wahm ki hum hain so wo bhi kya malum

Fani Badayuni

---

---

hum jaur-paraston pe guman tark-e-wafa ka
ye wahm kahin tum ko gunahgar na kar de

Hasrat Mohani

---

---

wahm ye tujh ko ajab hai ai jamal-e-kam-numa
jaise sab kuchh ho magar tu did ke qabil na ho

Muneer Niyazi

---

---

kab tak najat paenge wahm o yaqin se hum
uljhe hue hain aaj bhi duniya o din se hum

Saba Akbarabadi

---

---

kya jaane use wahm hai kya meri taraf se
jo KHwab mein bhi raat ko tanha nahin aata

I wonder to what misgivings she is prone
that even in my dreams she's not alone

Sheikh Ibrahim Zauq

---

---