ye kaisa nashsha hai main kis ajab KHumar mein hun
tu aa ke ja bhi chuka hai main intizar mein hun

Muneer Niyazi

---

---

ye mere gird tamasha hai aankh khulne tak
main KHwab mein to hun lekin KHayal bhi hai mujhe

Muneer Niyazi

---

---

ye namaz-e-asr ka waqt hai
ye ghaDi hai din ke zawal ki

Muneer Niyazi

---

---

ye safar malum ka malum tak hai ai 'munir'
main kahan tak in hadon ke qaid-KHanon mein rahun

Muneer Niyazi

---

---

zamin ke gird bhi pani zamin ki tah mein bhi
ye shahr jam ke khaDa hai jo tairta hi na ho

Muneer Niyazi

---

---

zawal-e-asr hai kufe mein aur gadagar hain
khula nahin koi dar bab-e-iltija ke siwa

Muneer Niyazi

---

---

zinda logon ki bud-o-bash mein hain
murda logon ki aadaten baqi

Muneer Niyazi

---

---

zinda rahen to kya hai jo mar jaen hum to kya
duniya se KHamushi se guzar jaen hum to kya

Muneer Niyazi

---

---