میں حشر کو کیا روؤں کہ اٹھ جانے سے تیرے
برپا ہوئی اک مجھ پہ قیامت تو یہیں اور

میر حسن

---

---

میں نے جو کہا مجھ پہ کیا کیا نہ ستم گزرا
بولا کہ ابے تیرا روتے ہی جنم گزرا

میر حسن

---

---

میں نے پایا نہ اسے شہر میں نہ صحرا میں
تو نے لے جا کے مرے دل کو کہاں چھوڑ دیا

میر حسن

---

---

میں تو اس ڈر سے کچھ نہیں کہتا
تو مبادا اداس ہو جاوے

میر حسن

---

---

مر گیا ہوتا نہ ہوتی قہر میں شامل جو مہر
صحت دل اس دوائے معتدل نے کی غرض

میر حسن

---

---

مت بخت خفتہ پر مرے ہنس اے رقیب تو
ہوگا ترے نصیب بھی یہ خواب دیکھنا

میر حسن

---

---

مت پونچھ ابروئے عرق آلود ہاتھ سے
لازم ہے احتیاط کہ ہے آب دار تیغ

میر حسن

---

---

نہ غرض مجھ کو ہے کافر سے نہ دیں دار سے کام
روز و شب ہے مجھے اس کاکل خم دار سے کام

میر حسن

---

---

مو سے سپید نے نمک اس میں ملا دیا
کیفیت اب رہی نہیں جام شراب میں

میر حسن

---

---