aqib qatl hua us ki tegh-e-abru se
haram-zada tha achchha hua halal hua

Aagha Akbarabadi

---

---

aaghosh sin sajan ke haman kun kiya kanar
marunga is raqib kun chhaDiyon se god god

Abroo Shah Mubarak

---

---

mujh se bigaD gae to raqibon ki ban gai
ghairon mein baT raha hai mera e'tibar aaj

Ahmad Husain Mail

---

---

hum apne ishq ki ab aur kya shahadat den
hamein hamare raqibon ne mo'tabar jaana

Alamtaab Tishna

---

---

kahte ho ki hamdard kisi ka nahin sunte
main ne to raqibon se suna aur hi kuchh hai

Ameer Minai

---

---

na main samjha na aap aae kahin se
pasina pochhiye apni jabin se

Anwar Dehlvi

---

---

ye kah ke mere samne Tala raqib ko
mujh se kabhi ki jaan na pahchan jaiye

Bekhud Dehlvi

---

---