حدود شہر سے باہر بھی بستیاں پھیلیں
سمٹ کے رہ گئے یوں جنگلوں کے گھیرے بھی

خلیل تنویر

---

---

اب کے سفر میں درد کے پہلو عجیب ہیں
جو لوگ ہم خیال نہ تھے ہم سفر ہوئے

خلیل تنویر

---

---

حرف کو برگ نوا دیتا ہوں
یوں مرے پاس ہنر کچھ بھی نہیں

خلیل تنویر

---

---

حادثوں کی مار سے ٹوٹے مگر زندہ رہے
زندگی جو زخم بھی تو نے دیا گہرا نہ تھا

خلیل تنویر

---

---

گھر میں کیا غم کے سوا تھا جو بہا لے جاتا
میری ویرانی پہ ہنستا رہا دریا اس کا

خلیل تنویر

---

---

دور تک ایک سیاہی کا بھنور آئے گا
خود میں اترو گے تو ایسا بھی سفر آئے گا

خلیل تنویر

---

---

بہت عزیز تھے اس کو سفر کے ہنگامے
وہ سب کے ساتھ چلا تھا مگر اکیلا تھا

خلیل تنویر

---

---

اوروں کی برائی کو نہ دیکھوں وہ نظر دے
ہاں اپنی برائی کو پرکھنے کا ہنر دے

خلیل تنویر

---

---

اپنا لہو یتیم تھا کوئی نہ رنگ لا سکا
منصف سبھی خموش تھے عذر جفا کے سامنے

خلیل تنویر

---

---