ab to ye aarzu hai ki wo zaKHm khaiye
ta-zindagi ye dil na koi aarzu kare
Ahmad Faraz
aankh se dur na ho dil se utar jaega
waqt ka kya hai guzarta hai guzar jaega
Ahmad Faraz
ab tera zikr bhi shayad hi ghazal mein aae
aur se aur hue dard ke unwan jaanan
Ahmad Faraz
ab tak dil-e-KHush-fahm ko tujh se hain umiden
ye aaKHiri shamen bhi bujhane ke liye aa
my heart is optimistic yet, its hopes are still alive
come to snuff it out, let not this final flame survive
Ahmad Faraz
ab ke hum bichhDe to shayad kabhi KHwabon mein milen
jis tarah sukhe hue phul kitabon mein milen
should we now be parted, in dreams we might be found
like dried flowers found in books, fragile, fraying browned
Ahmad Faraz
ab dil ki tamanna hai to ai kash yahi ho
aansu ki jagah aankh se hasrat nikal aae
Ahmad Faraz
ab aur kya kisi se marasim baDhaen hum
ye bhi bahut hai tujh ko agar bhul jaen hum
Ahmad Faraz
aashiqi mein 'mir' jaise KHwab mat dekha karo
bawle ho jaoge mahtab mat dekha karo
Ahmad Faraz
aaj ek aur baras bit gaya us ke baghair
jis ke hote hue hote the zamane mere
Ahmad Faraz