dil-girafta hi sahi bazm saja li jae
yaad-e-jaanan se koi sham na KHali jae

Ahmad Faraz

---

---

do ghaDi us se raho dur to yun lagta hai
jis tarah saya-e-diwar se diwar juda

Ahmad Faraz

---

---

dost ban kar bhi nahin sath nibhane wala
wahi andaz hai zalim ka zamane wala

Ahmad Faraz

---

---

'faraaz' ishq ki duniya to KHub-surat thi
ye kis ne fitna-e-hijr-o-visal rakkha hai

Ahmad Faraz

---

---

'faraaz' tark-e-talluq to KHair kya hoga
yahi bahut hai ki kam kam mila karo us se

Ahmad Faraz

---

---

'faraaz' tere junun ka KHayal hai warna
ye kya zarur wo surat sabhi ko pyari lage

Ahmad Faraz

---

---

'faraaz' tu ne use mushkilon mein Dal diya
zamana sahab-e-zar aur sirf shaer tu

Ahmad Faraz

---

---

faza udas hai rut muzmahil hai main chup hun
jo ho sake to chala aa kisi ki KHatir tu

Ahmad Faraz

---

---

gham-e-duniya bhi gham-e-yar mein shamil kar lo
nashsha baDhta hai sharaben jo sharabon mein milen

let love's longing with the ache of existence compound
when spirits intermingle the euphoria is profound

Ahmad Faraz

---

---