wo apne zoam mein tha be-KHabar raha mujh se
use KHabar hi nahin main nahin raha us ka

Ahmad Faraz

---

---

us ko juda hue bhi zamana bahut hua
ab kya kahen ye qissa purana bahut hua

Ahmad Faraz

---

---

us ka kya hai tum na sahi to chahne wale aur bahut
tark-e-mohabbat karne walo tum tanha rah jaoge

Ahmad Faraz

---

---

umr bhar kaun nibhata hai talluq itna
ai meri jaan ke dushman tujhe allah rakkhe

Ahmad Faraz

---

---

ujaD ghar mein ye KHushbu kahan se aai hai
koi to hai dar-o-diwar ke alawa bhi

Ahmad Faraz

---

---

TuTa to hun magar abhi bikhra nahin 'faraaz'
mere badan pe jaise shikaston ka jal ho

Ahmad Faraz

---

---

tu samne hai to phir kyun yaqin nahin aata
ye bar bar jo aankhon ko mal ke dekhte hain

Ahmad Faraz

---

---

tu mohabbat se koi chaal to chal
haar jaane ka hausla hai mujhe

Ahmad Faraz

---

---

tu KHuda hai na mera ishq farishton jaisa
donon insan hain to kyun itne hijabon mein milen

neither are not god nor is my love divine, profound
if human both then why does this secrecy surround

Ahmad Faraz

---

---