guftugu achchhi lagi zauq-e-nazar achchha laga
muddaton ke baad koi ham-safar achchha laga

Ahmad Faraz

---

---

hansi-KHushi se bichhaD ja agar bichhaDna hai
ye har maqam pe kya sochta hai aaKHir tu

Ahmad Faraz

---

---

hum agar manzilen na ban pae
manzilon tak ka rasta ho jaen

Ahmad Faraz

---

---

hum ko achchha nahin lagta koi hamnam tera
koi tujh sa ho to phir nam bhi tujh sa rakkhe

Ahmad Faraz

---

---

hum ko us shahr mein tamir ka sauda hai jahan
log memar ko chun dete hain diwar ke sath

Ahmad Faraz

---

---

hum tere shauq mein yun KHud ko ganwa baiThe hain
jaise bachche kisi tyauhaar mein gum ho jaen

Ahmad Faraz

---

---

hamein bhi arz-e-tamanna ka Dhab nahin aata
mizaj-e-yar bhi sada hai kya kiya jae

Ahmad Faraz

---

---

hamesha ke liye mujh se bichhaD ja
ye manzar bar-ha dekha na jae

Ahmad Faraz

---

---

ham-safar chahiye hujum nahin
ek musafir bhi qafila hai mujhe

Ahmad Faraz

---

---