wo apne zoam mein tha be-KHabar raha mujh se
use KHabar hi nahin main nahin raha us ka

Ahmad Faraz

---

---

wo jis ghamanD se bichhDa gila to is ka hai
ki sari baat mohabbat mein rakh-rakhaw ki thi

Ahmad Faraz

---

---

wo KHar KHar hai shaKH-e-gulab ki manind
main zaKHm zaKHm hun phir bhi gale lagaun use

Ahmad Faraz

---

---

wo samne hain magar tishnagi nahin jati
ye kya sitam hai ki dariya sarab jaisa hai

Ahmad Faraz

---

---

wo waqt aa gaya hai ki sahil ko chhoD kar
gahre samundaron mein utar jaana chahiye

Ahmad Faraz

---

---

yaad aai hai to phir TuT ke yaad aai hai
koi guzri hui manzil koi bhuli hui dost

Ahmad Faraz

---

---

ye ab jo aag bana shahr shahr phaila hai
yahi dhuan mere diwar o dar se nikla tha

Ahmad Faraz

---

---

ye dil ka dard to umron ka rog hai pyare
so jae bhi to pahr do pahr ko jata hai

Ahmad Faraz

---

---

zindagi se yahi gila hai mujhe
tu bahut der se mila hai mujhe

Ahmad Faraz

---

---