آنکھ کھلتے ہی بستیاں تاراج
کوئی لذت نہیں ہے خوابوں میں

آشفتہ چنگیزی

---

---

گھر میں اور بہت کچھ تھا
صرف در و دیوار نہ تھے

آشفتہ چنگیزی

---

---

ہے انتظار مجھے جنگ ختم ہونے کا
لہو کی قید سے باہر کوئی بلاتا ہے

آشفتہ چنگیزی

---

---

ہمیں بھی آج ہی کرنا تھا انتظار اس کا
اسے بھی آج ہی سب وعدے بھول جانے تھے

آشفتہ چنگیزی

---

---

ہمیں خبر تھی زباں کھولتے ہی کیا ہوگا
کہاں کہاں مگر آنکھوں پہ ہاتھ رکھ لیتے

آشفتہ چنگیزی

---

---

جو ہر قدم پہ مرے ساتھ ساتھ رہتا تھا
ضرور کوئی نہ کوئی تو واسطا ہوگا

آشفتہ چنگیزی

---

---

کہا تھا تم سے کہ یہ راستہ بھی ٹھیک نہیں
کبھی تو قافلے والوں کی بات رکھ لیتے

آشفتہ چنگیزی

---

---

خواب جتنے دیکھنے ہیں آج سارے دیکھ لیں
کیا بھروسہ کل کہاں پاگل ہوا لے جائے گی

آشفتہ چنگیزی

---

---