عشق میں کون بتا سکتا ہے
کس نے کس سے سچ بولا ہے

احمد مشتاق

---

---

وہ کم سخن تھا مگر ایسا کم سخن بھی نہ تھا
کہ سچ ہی بولتا تھا جب بھی بولتا تھا بہت

اختر ہوشیارپوری

---

---

سچ کے سودے میں نہ پڑنا کہ خسارا ہوگا
جو ہوا حال ہمارا سو تمہارا ہوگا

انجم رومانی

---

---

کس کام کی ایسی سچائی جو توڑ دے امیدیں دل کی
تھوڑی سی تسلی ہو تو گئی مانا کہ وہ بول کے جھوٹ گیا

آرزو لکھنوی

---

---

جی بہت چاہتا ہے سچ بولیں
کیا کریں حوصلہ نہیں ہوتا

I want to speak only what's true
but courage fails, what can I do

بشیر بدر

---

---

زہر میٹھا ہو تو پینے میں مزا آتا ہے
بات سچ کہیے مگر یوں کہ حقیقت نہ لگے

فضیل جعفری

---

---

وفا کے شہر میں اب لوگ جھوٹ بولتے ہیں
تو آ رہا ہے مگر سچ کو مانتا ہے تو آ

غلام محمد قاصر

---

---