nind bhi jagti rahi pure hue na KHwab bhi
subh hui zamin par raat Dhali mazar mein

Adil Mansuri

---

---

taron ka go shumar mein aana muhaal hai
lekin kisi ko nind na aae to kya kare

Afsar Merathi

---

---

nindon mein phir raha hun use DhunDhta hua
shamil jo ek KHwab mere rat-jage mein tha

Ahmad Mushtaq

---

---

nind ko log maut kahte hain
KHwab ka nam zindagi bhi hai

Ahsan Yusuf Zai

---

---

aai hogi kisi ko hijr mein maut
mujh ko to nind bhi nahin aati

Akbar Allahabadi

---

---

wasl ho ya firaq ho 'akbar'
jagna raat bhar musibat hai

whether in blissful union or in separation
staying up all night, is a botheration

Akbar Allahabadi

---

---

chor hai dil mein kuchh na kuchh yaro
nind phir raat bhar na aai aaj

Altaf Hussain Hali

---

---