chun sham-e-sozan chun zarra hairan ze mehr-e-an-mah bagashtam aaKHir
na nind nainan na ang chainan na aap aawe na bheje patiyan

Ameer Khusrau

---

---

nind ka kaam garche aana hai
meri aankhon mein par nahin aati

Anwar Dehlvi

---

---

hamare KHwab chori ho gae hain
hamein raaton ko nind aati nahin hai

Bakhsh Layalpuri

---

---

kaisa jadu hai samajh aata nahin
nind meri KHwab sare aap ke

Ibn-e-Mufti

---

---

aaj phir nind ko aankhon se bichhaDte dekha
aaj phir yaad koi choT purani aai

Iqbal Ashhar

---

---

uTho ye manzar-e-shab-tab dekhne ke liye
ki nind shart nahin KHwab dekhne ke liye

Irfan Siddiqi

---

---

maut bar-haq hai ek din lekin
nind raaton ko KHub aati hai

Jamal Owaisi

---

---