ye zaruri hai ki aankhon ka bharam qaem rahe
nind rakkho ya na rakkho KHwab meyari rakho

Rahat Indori

---

---

is safar mein nind aisi kho gai
hum na soe raat thak kar so gai

Rahi Masoom Raza

---

---

nind TuTi hai to ehsas-e-ziyan bhi jaga
dhup diwar se aangan mein utar aai hai

Sarshar Siddiqui

---

---

nind aati hai agar jalti hui aankhon mein
koi diwane ki zanjir hila deta hai

Shahzad Ahmad

---

---

tumhaari aankh mein kaifiyyat-e-KHumar to hai
sharab ka na sahi nind ka asar hi sahi

Shahzad Ahmad

---

---

kaho to kis tarah aawe wahan nind
jahan KHurshid-ru ho aa ke ham-KHwa

Shaikh Zahuruddin Hatim

---

---

muddat se KHwab mein bhi nahin nind ka KHayal
hairat mein hun ye kis ka mujhe intizar hai

Shaikh Zahuruddin Hatim

---

---