پتلیاں تک بھی تو پھر جاتی ہیں دیکھو دم نزع
وقت پڑتا ہے تو سب آنکھ چرا جاتے ہیں

امیر مینائی

---

---

کیا خبر مجھ کو خزاں کیا چیز ہے کیسی بہار
آنکھیں کھولیں آ کے میں نے خانۂ صیاد میں

امیر اللہ تسلیم

---

---

خزاں کا بھیس بنا کر بہار نے مارا
مجھے دورنگئ لیل و نہار نے مارا

آرزو لکھنوی

---

---

خزاں جب تک چلی جاتی نہیں ہے
چمن والوں کو نیند آتی نہیں ہے

بسملؔ  عظیم آبادی

---

---

رعنائی بہار پہ تھے سب فریفتہ
افسوس کوئی محرم راز خزاں نہ تھا

حبیب احمد صدیقی

---

---

گلوں کا دور ہے بلبل مزے بہار میں لوٹ
خزاں مچائے گی آتے ہی اس دیار میں لوٹ

حبیب موسوی

---

---

افسردگی بھی حسن ہے تابندگی بھی حسن
ہم کو خزاں نے تم کو سنوارا بہار نے

اجتبیٰ رضوی

---

---