عالم عشق میں اللہ رے نظر کی وسعت
نقطۂ وہم ہوا گنبد گردوں مجھ کو

شرف مجددی

---

---

اب تو مے خانوں سے بھی کچھ بڑھ کر
جام چلتے ہیں خانقاہوں میں

شرف مجددی

---

---

اللہ اللہ خصوصیت ذات حسنین
ساری امت کے ہیں پوتوں سے نواسے بڑھ کر

شرف مجددی

---

---

دل میں مرے جگر میں مرے آنکھ میں مری
ہر جا ہے دوست اور نہیں ملتی ہے جائے دوست

شرف مجددی

---

---

دخت رز اور تو کہاں ملتی
کھینچ لائے شراب خانے سے

شرف مجددی

---

---

دخت رز زاہد سے بولی مجھ سے گھبراتے ہو کیوں
کیا تمہیں ہو پاک دامن پارسا میں بھی تو ہوں

شرف مجددی

---

---

ایک کو ایک نہیں رشک سے مرنے دیتا
یہ نیا کوچۂ قاتل میں تماشا دیکھا

شرف مجددی

---

---

حیرت میں ہوں الٰہی کیوں کر یہ ختم ہوگا
کوتاہ روز محشر قصہ دراز میرا

شرف مجددی

---

---

حضرت ناصح بھی مے پینے لگے
اب مجھے سمجھانے والا کون تھا

شرف مجددی

---

---