اپنے گلے پہ چلتی چھری کا بھی دھیان رکھ
وہ تیز ہے یا کند ذرا دھار دیکھ لے

صادق

---

---

فرصت ہو تو یہ جسم بھی مٹی میں دبا دو
لو پھر میں زماں اور مکاں سے نکل آیا

صادق

---

---

گماں نہ تھا کہ لفافے میں خط کے بدلے وہ
لہو لہان تڑپتی زبان رکھ دے گا

صادق

---

---

اس گھومتی زمین کا محور ہی توڑ دو
بے کار گردشوں پہ خفا ہو رہے ہوں کیوں

صادق

---

---

کاٹ آگاہیوں کی فصل مگر
ذہن میں کچھ نئے سوال اگا

صادق

---

---

ان کی یاد میں بہتے آنسو خشک اگر ہو جائیں گے
سات سمندر اپنی خالی آنکھوں میں بھر لاؤں گا

صادق

---

---

اٹھا ہی لایا سبھی راستے وہ کاندھوں پر
یقین اس پہ نہ کرتا تو میں کدھر جاتا

صادق

---

---