kahte to ho yun kahte yun kahte jo wo aata
ye kahne ki baaten hain kuchh bhi na kaha jata

Mir Taqi Mir

---

---

kaun kahta hai na ghairon pe tum imdad karo
hum faramoshiyon ko bhi kabhu yaad karo

Mir Taqi Mir

---

---

kaun leta tha nam majnun ka
jab ki ahd-e-junun hamara tha

Mir Taqi Mir

---

---

KHarab rahte the masjid ke aage mai-KHane
nigah-e-mast ne saqi ki intiqam liya

Mir Taqi Mir

---

---

khilna kam kam kali ne sikha hai
us ki aankhon ki nim-KHwabi se

Mir Taqi Mir

---

---

KHuda ko kaam to saunpe hain main ne sab lekin
rahe hai KHauf mujhe wan ki be-niyazi ka

Mir Taqi Mir

---

---

kin nindon ab tu soti hai ai chashm-e-girya-nak
mizhgan to khol shahr ko sailab le gaya

Mir Taqi Mir

---

---

kisu se dil nahin milta hai ya rab
hua tha kis ghaDi un se juda main

Mir Taqi Mir

---

---

kitni baaten bana ke laun lek
yaad rahtin tere huzur nahin

Mir Taqi Mir

---

---