kin nindon ab tu soti hai ai chashm-e-girya-nak
mizhgan to khol shahr ko sailab le gaya

Mir Taqi Mir

---

---

kisu se dil nahin milta hai ya rab
hua tha kis ghaDi un se juda main

Mir Taqi Mir

---

---

kitni baaten bana ke laun lek
yaad rahtin tere huzur nahin

Mir Taqi Mir

---

---

mat ranja kar kisi ko ki apne tu e'tiqad
dil Dhae kar jo kaba banaya to kya hua

Mir Taqi Mir

---

---

'mir' amdan bhi koi marta hai
jaan hai to jahan hai pyare

Mir Taqi Mir

---

---

mere rone ki haqiqat jis mein thi
ek muddat tak wo kaghaz nam raha

where the true saga of my weeping was contained
sodden, moist for ages then, that paper remained

Mir Taqi Mir

---

---

mat sahl hamein jaano phirta hai falak barson
tab KHak ke parde se insan nikalte hain

Mir Taqi Mir

---

---

marsiye dil ke kai kah ke diye logon ko
shahr-e-dilli mein hai sab pas nishani us ki

Mir Taqi Mir

---

---

marg ek mandgi ka waqfa hai
yani aage chalenge dam le ka

Mir Taqi Mir

---

---