آؤ ہم ہنستے اٹھیں بزم دل آزاراں سے
کون احساس کو بیمار بنا کر اٹھے

کوثر جائسی

---

---

اپنے غم کی فکر نہ کی اس دنیا کی غم خواری میں
برسوں ہم نے دست جنوں سے کام لیا دانائی کا

کوثر جائسی

---

---

چھلک اٹھا جو کبھی خون آرزو میرا
مژہ مژہ تری رعنائیوں کی بات گئی

کوثر جائسی

---

---

غم نیرنگ دکھاتا ہے ہستی کی جلوہ نمائی کا
کتنے زمانوں کا حاصل ہے اک لمحہ تنہائی کا

کوثر جائسی

---

---

کبھی کبھی سفر زندگی سے روٹھ کے ہم
ترے خیال کے سائے میں بیٹھ جاتے ہیں

کوثر جائسی

---

---

خواب دیکھا تھا کہاں چمکی ہے تعبیر کہاں
حشر کا دن مری فطرت کا اجالا نکلا

کوثر جائسی

---

---

تخلیق کے پردے میں ستم ٹوٹ رہے ہیں
آزر ہی کے ہاتھوں سے صنم ٹوٹ رہے ہیں

کوثر جائسی

---

---

تھی نظر کے سامنے کچھ تو تلافی کی امید
کھیت سوکھا تھا مگر دریا میں طغیانی تو تھی

کوثر جائسی

---

---

وہ عرض غم پہ مری ان کا اہتمام سکوت
تمام شورش تفصیل واقعات گئی

کوثر جائسی

---

---