ہر اک شے خون میں ڈوبی ہوئی ہے
کوئی اس طرح سے پیدا نہ ہوتا

فضل تابش

---

---

کمرے میں آ کے بیٹھ گئی دھوپ میز پر
بچوں نے کھلکھلا کے مجھے بھی جگا دیا

فضل تابش

---

---

مانگنے سے ہوا ہے وہ خود سر
کچھ دنوں کچھ نہ مانگ کر دیکھو

فضل تابش

---

---

نہ کر شمار کہ ہر شے گنی نہیں جاتی
یہ زندگی ہے حسابوں سے جی نہیں جاتی

فضل تابش

---

---

رات کو خواب بہت دیکھے ہیں
آج غم کل سے ذرا ہلکا ہے

فضل تابش

---

---

سنتے ہیں کہ ان راہوں میں مجنوں اور فرہاد لٹے
لیکن اب آدھے رستے سے لوٹ کے واپس جائے کون

فضل تابش

---

---

سورج اونچا ہو کر میرے آنگن میں بھی آیا ہے
پہلے نیچا تھا تو اونچے میناروں پر بیٹھا تھا

فضل تابش

---

---

وہی دو چار چہرے اجنبی سے
انہیں کو پھر سے دہرانا پڑے گا

فضل تابش

---

---

یہ بستی کب درندوں سے تھی خالی
میں پھر بھی ٹھیک لوگوں میں رہا ہوں

فضل تابش

---

---