چند قدموں سے زیادہ نہیں چلنے پاتے
جس کو دیکھو وہی قیدی کسی زنجیر کا ہے

ازلان شاہ

---

---

چپکے سے گزرتے ہیں خبر بھی نہیں ہوتی
دن رات بھی کم بخت جوانی کی طرح ہیں

ازلان شاہ

---

---

ایڑیاں مار کے زخمی بھی ہوئے لوگ مگر
کوئی چشمہ نہیں زرخیز زمیں سے نکلا

ازلان شاہ

---

---

ہار کو جیت کے امکان سے باندھے ہوئے رکھ
اپنی مشکل کسی آسان سے باندھے ہوئے رکھ

ازلان شاہ

---

---

ہارے ہوئے لوگوں کی کہانی کی طرح ہیں
ہم لوگ بھی بہتے ہوئے پانی کی طرح ہیں

ازلان شاہ

---

---

کماں نہ تیر نہ تلوار اپنی ہوتی ہے
مگر یہ دنیا کہ ہر بار اپنی ہوتی ہے

ازلان شاہ

---

---

کس لئے اس سے نکلنے کی دعائیں مانگوں
مجھ کو معلوم ہے منجدھار سے آگے کیا ہے

ازلان شاہ

---

---

کسی کے نام پہ ننھے دیے جلاتے ہوئے
خدا کو بھول گئے نیکیاں کماتے ہوئے

ازلان شاہ

---

---

مجھ کو پہچان تو اے وقت میں وہ ہوں جو فقط
ایک غلطی کے لئے عرش بریں سے نکلا

ازلان شاہ

---

---