آرزو ٹیس کرب تنہائی
خود میں کتنا سمٹ گیا ہوں میں

اکمل امام

---

---

اکملؔ آج کا انساں کتنا بے تحمل ہے
دل میں کچھ خلش ابھری اور داغ دی سازش

اکمل امام

---

---

اپنے احساس کی شدت کو بجھانے کے لئے
میں نئی طرز کے خوش فکر رسالے مانگوں

اکمل امام

---

---

فساد روکنے کم ظرف لوگ پہنچے ہیں
گھروں میں رہ گئے روشن ضمیر جتنے تھے

اکمل امام

---

---

ہر ایک حرف سے جینے کا فن نمایاں ہو
کچھ اس طرح کی عبارت نصاب میں لکھیے

اکمل امام

---

---

میرا سایہ بھی بڑھ گیا مجھ سے
اس سلیقہ سے گھٹ گیا ہوں میں

اکمل امام

---

---

نئی تحقیق نے قطروں سے نکالے دریا
ہم نے دیکھا ہے کہ ذروں سے زمانے نکلے

اکمل امام

---

---

انگلیوں کے ہنر سے اے اکملؔ
شکل پاتی ہے چاک پر مٹی

اکمل امام

---

---

ذہن میں اجنبی سمتوں کے ہیں پیکر لیکن
دل کے آئینے میں سب عکس پرانے نکلے

اکمل امام

---

---