آندھیوں کی زد میں ہے میرا وجود
اور میں دیوار کی تصویر ہوں

احمد ضیا

---

---

بستی بستی پربت پربت وحشت کی ہے دھوپ ضیاؔ
چاروں جانب ویرانی ہے دل کا اک ویرانہ کیا

احمد ضیا

---

---

ہے میرا چہرہ سیکڑوں چہروں کا آئینہ
بیزار ہو گیا ہوں تماشائیوں سے میں

احمد ضیا

---

---

اک میں ہوں کہ لہروں کی طرح چین نہیں ہے
اک وہ ہے کہ خاموش سمندر کی طرح ہے

احمد ضیا

---

---

اس قدر پرخلوص لہجہ ہے
اس سے ملنا ہے عمر بھر جیسے

احمد ضیا

---

---

مجھ کو مرے وجود سے کوئی نکال دے
تنگ آ چکا ہوں روز کے ان حادثوں سے میں

احمد ضیا

---

---

نہ جانے کتنے مراحل کے بعد پایا تھا
وہ ایک لمحہ جو تو نے گزارنے نہ دیا

احمد ضیا

---

---

نگر نگر میں نئی بستیاں بسائی گئیں
ہزار چاہا مگر پھر بھی اپنا گھر نہ بنا

احمد ضیا

---

---