اجنبی لوگ ہیں میں جن میں گھرا رہتا ہوں
آشنا کوئی یہاں میرے فسانے کا نہیں

احمد رضوان

---

---

ایک مدت سے اسے دیکھ رہا ہوں احمدؔ
اور لگتا ہے ابھی ایک جھلک دیکھا ہے

احمد رضوان

---

---

ہوتا نہ کوئی کار زمانہ مرے سپرد
بس اپنے کاروبار محبت کو دیکھتا

احمد رضوان

---

---

کیا بات کروں جو باتیں تم سے کرنی تھیں
اب ان باتوں کا وقت نہیں کیا بات کروں

احمد رضوان

---

---

مجھے یہ کیا پڑی ہے کون میرا ہم سفر ہوگا
ہوا کے ساتھ گاتا ہوں ندی کے ساتھ چلتا ہوں

احمد رضوان

---

---

اڑتی ہے خاک دل کے دریچوں کے آس پاس
شاید مکین کوئی نہیں اس مکان میں

احمد رضوان

---

---

یہ کون بولتا ہے مرے دل کے اندروں
آواز کس کی گونجتی ہے اس مکان میں

احمد رضوان

---

---