kai chand the sar-e-asman ki chamak chamak ke palaT gae
na lahu mere hi jigar mein tha na tumhaari zulf siyah thi

Ahmad Mushtaq

---

---

na mizaj-e-naz-e-jalwa kabhi pa sakin nigahen
ki ulajh ke rah gai hain teri zulf-e-KHam-ba-KHam mein

Akhtar Orenvi

---

---

mere hath suljha hi lenge kisi din
abhi zulf-e-hasti mein KHam hai to kya gham

Ali Jawwad Zaidi

---

---

kis ne bhige hue baalon se ye jhaTka pani
jhum ke aai ghaTa TuT ke barsa pani

Arzoo Lakhnavi

---

---

puchha jo un se chand nikalta hai kis tarah
zulfon ko ruKH pe Dal ke jhaTka diya ki yun

Arzoo Lakhnavi

---

---

zahid ne mera hasil-e-iman nahin dekha
ruKH par teri zulfon ko pareshan nahin dekha

the priest has seen my piety, he hasn't seen your grace
he has not seen your tresses strewn across your face

Asghar Gondvi

---

---

ahut mushkil hai duniya ka sanwarna
teri zulfon ka pech-o-KHam nahin hai

Asrar-ul-Haq Majaz

---

---