ai junun phir mere sar par wahi shamat aai
phir phansa zulfon mein dil phir wahi aafat aai

Aasi Ghazipuri

---

---

ijazat ho to main tasdiq kar lun teri zulfon se
suna hai zindagi ek KHub-surat dam hai saqi

Abdul Hamid Adam

---

---

agar dekhe tumhaari zulf le Das
ulaT jawe kaleja nagani ka

Abroo Shah Mubarak

---

---

Dar KHuda sin KHub nain ye waqt-e-qatl-e-am kun
subh kun khola na kar is zulf-e-KHun-asham kun

Abroo Shah Mubarak

---

---

jalta hai ab talak teri zulfon ke rashk se
har-chand ho gaya hai chaman ka charagh gul

Abroo Shah Mubarak

---

---

kabhi be-dam Thahrawen kabhi zanjir karte hain
ye na-shaer teri zulfan kun kya kya nam dharte hain

Abroo Shah Mubarak

---

---

ye khule khule se gesu inhen lakh tu sanware
mere hath se sanwarte to kuchh aur baat hoti

Agha Hashr Kashmiri

---

---