مدتوں بعد اٹھائے تھے پرانے کاغذ
ساتھ تیرے مری تصویر نکل آئی ہے

صابر دت

---

---

میں نے تو یونہی راکھ میں پھیری تھیں انگلیاں
دیکھا جو غور سے تری تصویر بن گئی

سلیم بیتاب

---

---

اپنے جیسی کوئی تصویر بنانی تھی مجھے
مرے اندر سے سبھی رنگ تمہارے نکلے

سالم سلیم

---

---

بھیج دی تصویر اپنی ان کو یہ لکھ کر شکیلؔ
آپ کی مرضی ہے چاہے جس نظر سے دیکھیے

شکیل بدایونی

---

---

میں نے بھی دیکھنے کی حد کر دی
وہ بھی تصویر سے نکل آیا

شہپر رسول

---

---

مجھ کو اکثر اداس کرتی ہے
ایک تصویر مسکراتی ہوئی

وکاس شرما راز

---

---