ہائے وہ راز غم کہ جو اب تک
تیرے دل میں مری نگاہ میں ہے

جگر مراد آبادی

---

---

جھکتی ہے نگاہ اس کی مجھ سے مل کر
دیوار سے دھوپ اتر رہی ہے گویا

جوشؔ ملسیانی

---

---

خدا بچائے تری مست مست آنکھوں سے
فرشتہ ہو تو بہک جائے آدمی کیا ہے

خمارؔ بارہ بنکوی

---

---

ساقی مرے بھی دل کی طرف ٹک نگاہ کر
لب تشنہ تیری بزم میں یہ جام رہ گیا

خواجہ میر دردؔ

---

---

دیکھا حضور کو جو مکدر تو مر گئے
ہم مٹ گئے جو آپ نے میلی نگاہ کی

لالہ مادھو رام جوہر

---

---

تڑپ رہا ہے دل اک ناوک جفا کے لیے
اسی نگاہ سے پھر دیکھیے خدا کے لیے

لالہ مادھو رام جوہر

---

---

حال کہہ دیتے ہیں نازک سے اشارے اکثر
کتنی خاموش نگاہوں کی زباں ہوتی ہے

مہیش چندر نقش

---

---