tujh ko KHabar nahin magar ek sada-lauh ko
barbaad kar diya tere do din ke pyar ne

Sahir Ludhianvi

---

---

tujhe bhula denge apne dil se ye faisla to kiya hai lekin
na dil ko malum hai na hum ko jiyenge kaise tujhe bhula ke

Sahir Ludhianvi

---

---

tum mere liye ab koi ilzam na DhunDo
chaha tha tumhein ek yahi ilzam bahut hai

a reason to indict me, you need hardly pursue
is it not cause enough I fell in love with you

Sahir Ludhianvi

---

---

un ka gham un ka tasawwur un ke shikwe ab kahan
ab to ye baaten bhi ai dil ho gain aai gai

Sahir Ludhianvi

---

---

waise to tumhin ne mujhe barbaad kiya hai
ilzam kisi aur ke sar jae to achchha

Sahir Ludhianvi

---

---

jis ki hawas ke waste duniya hui aziz
wapas hue to us ki mohabbat KHafa mili

Saqi Faruqi

---

---

asta de ki mohabbat mein badan shamil hai
main faqat ruh nahin hun mujhe halka na samajh

Saqi Faruqi

---

---