صنم پرستی کروں ترک کیوں کر اے واعظ
بتوں کا ذکر خدا کی کتاب میں دیکھا

آغا اکبرآبادی

---

---

چھوڑا نہیں خودی کو دوڑے خدا کے پیچھے
آساں کو چھوڑ بندے مشکل کو ڈھونڈتے ہیں

عبد الحمید عدم

---

---

زبان ہوش سے یہ کفر سرزد ہو نہیں سکتا
میں کیسے بن پئے لے لوں خدا کا نام اے ساقی

عبد الحمید عدم

---

---

وہ سو رہا ہے خدا دور آسمانوں میں
فرشتے لوریاں گاتے ہیں اس کے کانوں میں

عبد الرحیم نشتر

---

---

سکھ میں ہوتا ہے حافظہ بے کار
دکھ میں اللہ یاد آتا ہے

افسر میرٹھی

---

---

خود کو تو ندیمؔ آزمایا
اب مر کے خدا کو آزماؤں

احمد ندیم قاسمی

---

---

مرے خدا نے کیا تھا مجھے اسیر بہشت
مرے گنہ نے رہائی مجھے دلائی ہے

احمد ندیم قاسمی

---

---