sanam-parasti karun tark kyunkar ai waiz
buton ka zikr KHuda ki kitab mein dekha

Aagha Akbarabadi

---

---

koi ilaj-e-gham-e-zindagi bata waiz
sune hue jo fasane hain phir suna na mujhe

Akhtar Ziai

---

---

umid-e-hur ne sab kuchh sikha rakkha hai waiz ko
ye hazrat dekhne mein sidhe-sade bhole-bhaale hain

Allama Iqbal

---

---

kahte hain jis ko jannat wo ek jhalak hai teri
sab waizon ki baqi rangin-bayaniyan hain

Altaf Hussain Hali

---

---

na waiz hajw kar ek din duniya se jaana hai
are munh saqi-e-kausar ko bhi aaKHir dikhana hai

Ameer Minai

---

---

teri masjid mein waiz KHas hain auqat rahmat ke
hamare mai-kade mein raat din rahmat barasti hai

Ameer Minai

---

---

waiz o mohtasib ka jamghaT hai
mai-kada ab to mai-kada na raha

Bekhud Badayuni

---

---