chhoDa nahin KHudi ko dauDe KHuda ke pichhe
aasan ko chhoD bande mushkil ko DhunDte hain

Abdul Hamid Adam

---

---

KHudi ko kar buland itna ki har taqdir se pahle
KHuda bande se KHud puchhe bata teri raza kya hai

Allama Iqbal

---

---

KHudi wo bahr hai jis ka koi kinara nahin
tu aabju ise samjha agar to chaara nahin

Allama Iqbal

---

---

a-qadr-e-paimana-e-taKHayyul surur har dil mein hai KHudi ka
agar na ho ye fareb-e-paiham to dam nikal jae aadmi ka

Jameel Mazhari

---

---

hamein kam-baKHt ehsas-e-KHudi us dar pe le baiTha
hum uTh jate to wo parda bhi uTh jata jo hail tha

Natiq Gulavthi

---

---