وہ بات سارے فسانے میں جس کا ذکر نہ تھا
وہ بات ان کو بہت نا گوار گزری ہے

فیض احمد فیض

---

---

یہ داغ داغ اجالا یہ شب گزیدہ سحر
وہ انتظار تھا جس کا یہ وہ سحر تو نہیں

فیض احمد فیض

---

---

زندگی کیا کسی مفلس کی قبا ہے جس میں
ہر گھڑی درد کے پیوند لگے جاتے ہیں

فیض احمد فیض

---

---

گل تو گل خار تک چن لیے ہیں
پھر بھی خالی ہے گلچیں کا دامن

فنا نظامی کانپوری

---

---

کوئی سمجھے گا کیا راز گلشن
جب تک الجھے نہ کانٹوں سے دامن

فنا نظامی کانپوری

---

---

بہلا نہ دل نہ تیرگیٔ شام غم گئی
یہ جانتا تو آگ لگاتا نہ گھر کو میں

فانی بدایونی

---

---

ہر نفس عمر گزشتہ کی ہے میت فانیؔ
زندگی نام ہے مر مر کے جئے جانے کا

فانی بدایونی

---

---