جان تجھ پر کچھ اعتماد نہیں
زندگانی کا کیا بھروسا ہے

خاں آرزو سراج الدین علی

---

---

میں اس کے وعدے کا اب بھی یقین کرتا ہوں
ہزار بار جسے آزما لیا میں نے

To this day her promises I do still believe
who a thousand times has been wont to deceive

مخمور سعیدی

---

---

درد دل کیا بیاں کروں رشکیؔ
اس کو کب اعتبار آتا ہے

محمد علی خاں رشکی

---

---

یا تیرے علاوہ بھی کسی شے کی طلب ہے
یا اپنی محبت پہ بھروسا نہیں ہم کو

شہریار

---

---

جھوٹ پر اس کے بھروسا کر لیا
دھوپ اتنی تھی کہ سایا کر لیا

شارق کیفی

---

---

مسافروں سے محبت کی بات کر لیکن
مسافروں کی محبت کا اعتبار نہ کر

عمر انصاری

---

---

ہم آج راہ تمنا میں جی کو ہار آئے
نہ درد و غم کا بھروسا رہا نہ دنیا کا

وحید قریشی

---

---