بھولی باتوں پہ تیری دل کو یقیں
پہلے آتا تھا اب نہیں آتا

آرزو لکھنوی

---

---

مری زبان کے موسم بدلتے رہتے ہیں
میں آدمی ہوں مرا اعتبار مت کرنا

عاصمؔ واسطی

---

---

اے مجھ کو فریب دینے والے
میں تجھ پہ یقین کر چکا ہوں

اطہر نفیس

---

---

آپ کا اعتبار کون کرے
روز کا انتظار کون کرے

who can depend on what you say?
who will wait each every day?

داغؔ دہلوی

---

---

غضب کیا ترے وعدے پہ اعتبار کیا
تمام رات قیامت کا انتظار کیا

داغؔ دہلوی

---

---

یوں نہ قاتل کو جب یقیں آیا
ہم نے دل کھول کر دکھائی چوٹ

فانی بدایونی

---

---

کسی پہ کرنا نہیں اعتبار میری طرح
لٹا کے بیٹھوگے صبر و قرار میری طرح

فرید پربتی

---

---