چھپ گئے وہ ساز ہستی چھیڑ کر
اب تو بس آواز ہی آواز ہے

اسرار الحق مجاز

---

---

میری یہ آرزو ہے وقت مرگ
اس کی آواز کان میں آوے

غمگین دہلوی

---

---

تری آواز کو اس شہر کی لہریں ترستی ہیں
غلط نمبر ملاتا ہوں تو پہروں بات ہوتی ہے

غلام محمد قاصر

---

---

کوئی آیا تری جھلک دیکھی
کوئی بولا سنی تری آواز

جوشؔ ملیح آبادی

---

---

میں اس کو کھو کے بھی اس کو پکارتی ہی رہی
کہ سارا ربط تو آواز کے سفر کا تھا

منصورہ احمد

---

---

تفریق حسن و عشق کے انداز میں نہ ہو
لفظوں میں فرق ہو مگر آواز میں نہ ہو

منظر لکھنوی

---

---

میں جو بولا کہا کہ یہ آواز
اسی خانہ خراب کی سی ہے

میر تقی میر

---

---