اس جبین عرق افشاں پہ نہ چنئے افشاں
یہ ستارے کہیں مل جائیں نہ سیاروں میں

بیخود دہلوی

---

---

جادو ہے یا طلسم تمہاری زبان میں
تم جھوٹ کہہ رہے تھے مجھے اعتبار تھا

بیخود دہلوی

---

---

جواب سوچ کے وہ دل میں مسکراتے ہیں
ابھی زبان پہ میری سوال بھی تو نہ تھا

بیخود دہلوی

---

---

جھوٹا جو کہا میں نے تو شرما کے وہ بولے
اللہ بگاڑے نہ بنی بات کسی کی

بیخود دہلوی

---

---

کوئی اس طرح سے ملنے کا مزا ملتا ہے
اوپری دل سے وہ ملتا ہے تو کیا ملتا ہے

بیخود دہلوی

---

---

کچھ طرح رندوں نے دی کچھ محتسب بھی دب گیا
چھیڑ آپس میں سر بازار ہو کر رہ گئی

بیخود دہلوی

---

---

کیا کہہ دیا یہ آپ نے چپکے سے کان میں
دل کا سنبھالنا مجھے دشوار ہو گیا

بیخود دہلوی

---

---